

D3548

གསེར་མདོག་ཅན་གྱི་ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། པྲཛྙཱ་པཱ་ར་མི་ཏཱ་སཱ་དྷ་ནཾ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །ཡིད་འོང་གནས ནི་འགའ་ཞིག་ཏུ།།བདེ་བའི་སྟན་ལ་འདུག་བྱས་ནས། །རྣལ་འབྱོར་བྱམས་དང་སྙིང་རྗེར་ལྡན། །སྔགས་ནི་ལན་གསུམ་བརྗོད་པར་བྱ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅ཧཾ། ཞེས་པས་བརྟན་དང་གཡོ་བའི་དངོས། །བདག་གི་ལུས་ཀྱང་ཐམས་ཅད་དུ། །སེམས་ཀྱིས་ས ཏོང་ཉིད་བསྒོམ་པར་བྱ།།རྨི་ལམ་རྨི་ལམ་མཚུངས་པ་རུ། །པཾ་ཡིག་རྣམ་པ་ལས་སྐྱེས་པའི། །པདྨ་ཟླ་བའི་གདན་གནས་པའི། །དྷཱིཿཡིག་སེར་པོ་དགོད་བྱ་སྟེ། །དེ་ཡིས་བདག་ཉིད་བཅོམ་ལྡན་མ། །ཕྱག་གཉིས་ཤེས་རབ་ཕ་རོལ་ཕྱིན། །སྣ་ཚོགས་གོས་འཆང་སྣ་ཚོགས་རྒྱན། ། ཆོས་འཆད་ཕྱག་རྒྱ་ཡང་དག་ལྡན། །སྒེག་པ་གཅིག་པུའི་ཉམས་ལྡན་ཞིང་། །རྡོ་རྗེ་སྐྱིལ་ཀྲུང་ཡང་དག་གནས། །པུསྟི་དང་བཅས་ཆུ་སྐྱེས་ནི། །གཡོན་གྱི་ལོགས་སུ་བསྣམས་པའོ། །སྤྱི་བོ་མགྲིན་པ་སྙིང་གནས་སུ། །ཟླ་བ་ལ་གནས་དེ་ཉིད་གསུམ། །ོཾ་ཨཱཿཧཱུཾ། ཨཱཿཡིག ཧཱུཾ་ཡིག་དག་གི་དབུས།།ཟླ་བ་དྷིཿཡིག་སེར་པོ་ཡི། །འོད་ཟེར་རྣམ་པར་བསྒོམས་ནས་ནི། །དེ་ནས་སྐུ་མདོག་སེར་མོ་བསྒོམ། །ཀུན་རྫོབ་ཀྱི་ནི་རྣལ་འབྱོར་པས། །ཤེས་རབ་ཤེས་རབ་བསྒོམ་པར་བྱ། །དོན་དམ་པ་ནི་རྟོགས་པའི་སྐུ། །ཤེས་རབ་བདག་ཉིད་ཆེན་པོར་གསུངས། །གང་ གིས་བྱང་ཆུབ་ངེས་ཐོབ་པའི།།རིམ་པ་སྦྱོར་བས་རྒྱལ་བར་འགྱུར། །སྟོན་ཀའི་ཟླ་བ་ལྟ་བུ་ཡི། །དཀར་བའི་སེམས་ནི་རྣམ་པར་བསྒོམ། །སྣ་ཚོགས་གཡོ་དང་མི་གཡོ་བ། །ཕྱི་ནས་ནམ་མཁའི་དཔེ་དང་འདྲ། །རྣམ་རྟོག་མ་ལུས་སྟོང་པ་སྟེ། །རང་བྱུང་སྟོང་པ་གཟུགས་ཀྱང་མེད། ། གཟུགས་སྒྲ་དྲི་དང་རོ་དང་ནི། །རེག་བྱ་ལ་སོགས་གཟུང་དང་འཛིན། །རྟོག་པས་ཡོངས་སུ་མ་གོས་པ། །བསམ་མི་ཁྱབ་པའི་རྐྱེན་ལས་བྱུང་། །ཡང་དག་རྫོགས་པའི་བྱང་ཆུབ་གནས། །ཀུན་མཁྱེན་སེམས་ཀྱི་གོ་འཕང་ངོ་། །དེ་ལ་བཟླས་པའི་སྔགས་ནི་འདིའོ། །ོཾ་པྲཛྙེ་མ་ཧཱ་པྲཛྙེ་ཤྲུ ་ཏི་སྨྲྀ་ཏི་བི་ཛཱ་ཡེ་དྷཱིཿསྭཱ་ཧཱ།